كلمات اغنية لحظة لقى عبدالرحمن القريشي
اغنية لحظة لقى عبدالرحمن القريشي
لحظة لقى كلمات
اسم الاغنية : لحظة لقى
كاتب الاغنية : حمـــيّد
ملحن الاغنية : عبدالرحمن القريشي
غناء : عبدالرحمن القريشي
الحب مثل الفقر مايرحم وكلن يشتكيه
واواخره ماهيب تشتبه بالصحيح اوايله
كم واحدن حطّم طموحاته ورخّى منكبيه
ماقد ذكر حيّن على الدنيا شكر فضايله
شابت نواصيي من الحب القديم ومايليه
حنا تفارقنا ولكن دون كيف ودون ليه
انا مع الدنيا كذا دايم حظوظي مايله
من قال بان الحب مايظهر ملامح فالوجيه ؟
هذا الكلام اللي تمنيت آعرف من قايله
حالي بعد قصة غرامي ماش مايحسد عليه
كبرت وارسومه على وجهي وقلبي شايله
ياليت وصله ينشرى وابيع روحي واشتريه
لحظة لقى عندي لها تسوى الحياه الزايله
ليته قمر واخايله ماهو بشرط اني اجيه
بس البلا اني ماقدرت اجيه والا اخايله
الله يطول في بقاه ويرحم الله والديه
اللي اتعبوا في منسبه ماضيّعوا دلايله
تابعنا على الفيسبوك .. تابع جديد الاغاني
اكتب تعليق ودع العالم يعرف رأيك في كلمات اغنية لحظة لقى عبدالرحمن القريشي
احدث كلمات الاغاني العربية والخليجية لهذا الاسبوع